Nos différents contacts
Notre contact par courriel
Les téléphones
Quae
dum ita struuntur, indicatum est apud Tyrum indumentum regale textum
occulte, incertum quo locante vel cuius usibus apparatum. ideoque
rector provinciae tunc pater Apollinaris eiusdem nominis ut conscius
ductus est aliique congregati sunt ex diversis civitatibus multi, qui
atrocium criminum ponderibus urgebantur.
Accenderat super his
incitatum propositum ad nocendum aliqua mulier vilis, quae ad palatium
ut poposcerat intromissa insidias ei latenter obtendi prodiderat a
militibus obscurissimis. quam Constantina exultans ut in tuto iam
locata mariti salute muneratam vehiculoque inpositam per regiae ianuas
emisit in publicum, ut his inlecebris alios quoque ad indicanda
proliceret paria vel maiora.
Excitavit hic ardor milites per
municipia plurima, quae isdem conterminant, dispositos et castella, sed
quisque serpentes latius pro viribus repellere moliens, nunc globis
confertos, aliquotiens et dispersos multitudine superabatur ingenti,
quae nata et educata inter editos recurvosque ambitus montium eos ut
loca plana persultat et mollia, missilibus obvios eminus lacessens et
ululatu truci perterrens.
|
